کراچی(اسپورٹس رپورٹر) الفا ایجوکیشن نیٹ ورک کے تحت دی نیکسٹ اسکول نارتھ ناظم آباد کیمپس اور گلشن اقبال کیمپس میں آزادی میلہ کا کا شاندار انعقاد کیا گیا۔ اس تقریب کے مہمان خصوصی ہیڈ آف بزنس سرحمزہ زکریا، مس عائشہ بصیر، مس عائشہ یوسف اور مس اقرا نے خصوصی طور پر شرکت کی۔اس رنگارنگ تقریب کے آرگنائزر نارتھ ناظم آباد کے کیمپس مینجر محمد حمزہ عدنان، گلشن اقبال کے کیمپس مینجر شایان ضفیر اور دی نیکسٹ اسکول کے اسپورٹس کوآرڈینیٹر کاشف احمد فاروقی بھی موجود تھے۔ پرنسپل نارتھ ناظم آباد کیمپس کی مس آمنہ آصف نے کہا کہ آزادی بہت بڑی نعمت ہے، ہمیں اس کی قدر کرنی چاہیے اور پاکستان لاکھوں قربانیوں کے بعد حاصل کیا گیا۔آزادی میلہ میں طلبا اور اساتذہ کے ساتھ والدین کی بڑی تعداد میں شرکت ملک سے محبت کا اظہار ہے۔
 دی نیکسٹ اسکول بچوں کی تعلیم کے ساتھ ساتھ کھیل و تربیت بھی فراہم کرتا ہے۔ طلبا ملک کی ترقی میں نمایاں کردار ادا کریں۔ بچوں کے لئے مختلف کھیلوں کی سرگرمیوں کا انعقاد کیا گیا جس میں ان ڈور اور آوٹ ڈور کھیل بھی شامل تھے۔