نیویارک(این این آئی)روسی ٹینس سٹارعالمی نمبر ایک اور دفاعی چیمپئن ڈینیئل میڈویڈوف،برطانوی ٹینس سٹار اینڈیق مرے اورہسپانوی ٹینس کھلاڑی رابرٹو بوٹسٹا یو ایس اوپن ٹینس ٹورنامنٹ کا فاتحانہ آغاز کرتے ہوئے مینز سنگلز مقابلوں کے دوسرے رائونڈ کیلئے کوالیفائی کرلیا جبکہ یونان کیفورتھ سیڈڈ سٹیفانوس ابتدائی رائونڈ میں اپ سیٹ شکست کے بعد میگا ایونٹ سے باہر ہوگئے۔ مینز سنگلز مقابلوں کے ابتدائی رائونڈ میں ٹاپ سیڈ اور دفاعی چیمپئن روس کے ڈینیئل میڈویڈوف نے امریکی حریف کھلاڑی سٹیفن کوزلوف کو سٹریٹ سیٹس میں 2-6،  4-6 اور 0-6 سے با آسانی شکست دی اور دوسرے رائونڈ کیلئے کوالیفائی کر لیا۔ کولمبین کھلاڑی دانیال الہی گیلان ریوروس نے یونانی  سٹیفانوس کو  0-6، 1-6، 6-3 اور 5-7 سے اپ سیٹ شکست دے کر میگا ایونٹ سے باہر کر دیا۔
برطانوی ٹینس سٹار اینڈی مرے نے ارجنٹائن کے حریف کھلاڑی فرانسسکو سیرونڈولو کیخلاف 5-7، 3-6 اور 3-6سے کامیابی حاصل کرے دوسرے رائونڈ میں جگہ بنائی۔ہسپانوی رابرٹو بوٹسٹا نے آسٹریا کے وائلڈ کارڈ پر انٹری حاصل کرنے والے ڈومینک تھیم کو ہرا کر دوسرے رائونڈ کیلئے کوالیفائی کرلیا۔