لاہور (نیوز رپورٹر) پنجاب میں تحصیل تلہ گنگ کو ضلع بنانے کی تجویز زیرغور ہے۔ اس سلسلے میں وزیراعلیٰ پنجاب کی ہدایت پر بورڈ آف ریونیو نے فزیبلٹی رپورٹ کی تیاری شروع کر دی ہے۔ تلہ گنگ میں چار تحصیلیں بنانے کا فیصلہ زیر غور ہے۔ تلہ گنگ کیلئے تحصیل لاوا، پنڈی گھیپ، نوشراں، تلہ گنگ شامل ہونگی۔ تلہ گنگ کی چار تحصیلوں میں کل کتنا رقبہ ہے۔ چار تحصیلوں کے کل کتنے موضع جات اور قانونگوئیاں ہیں، تلہ گنگ کی چار تحصیلوں میں کل کتنی آبادی ہے؟۔ بورڈ آف ریونیو نے ڈی سی تلہ گنگ سے تمام تفصیلات طلب کر لیں۔ تلہ گنگ کی فیزیبلٹی رپورٹ تیار کرنے کے بعد وزیر اعلی کو پیش کی جائے گی۔
تلہ گنگ‘ ضلع