لاہور(نامہ نگار)صوبہ بھرمیں گزشتہ 24 گھنٹوں کے دوران 1081 ٹریفک حادثات میں 6 افراد جاں بحق جبکہ 1093 زخمی ہوئے ہیں۔حادثات میں 564ڈرائیوز،39کم عمرڈرائیور ، 396 مسافراور139 پیدل چلنے والے افراد متاثر ہوئے۔صوبائی دارالحکومت لاہور 313متاثرین کیساتھ پہلے ملتان  68حادثات میں 60 متاثرین کیساتھ دوسرے جبکہ گوجرانوالہ 68حادثات میں 66متاثرین کیسا تھ تیسرے نمبرپررہا۔ کل1099متاثرین میں 895مرد اور204خواتین شامل ہیں۔زخمیوں میں 202افراد کی اوسط عمر18سال سے کم ،587افراد کی اوسط عمر 18سے 40سال کے درمیان جبکہ310زخمی افراد کی اوسط عمر 40سال سے زائد ہے۔بیشتر واقعات میں 927موٹرسائیکلز،69آٹو رکشے،95کاریں،24وین،6 مسافر بسیں،21ٹرک اور104دوسری اقسام کی گاڑیاں شامل ہیں۔