لاہور(سپورٹس رپورٹر)عمان کے شہر صلالہ میں جاری فائیو سائیڈ ایشیا ہاکی کپ میں پاکستان کی شاندار فتوحات کا سلسلہ جاری، پاکستان نے اپنے تیسرے میچ میں روائتی حریف انڈیا کو ایک اعصاب شکن مقابلہ  میں 4 کے مقابلہ میں 5 گول سے شکت دیدی۔ صدر پاکستان ہاکی فیڈریشن برگیڈیئر ر خالد سجاد کھوکھر کی جانب سے انڈیا کے خلاف شاندار کارکردگی دکھانے پر پاکستان ہاکی ٹیم کے کھلاڑیوں کو 100 ڈالر فی کھلاڑی انعام دیا گیا۔پاکستان کی جانب سے ارشد لیاقت نے 2 گول،  ذکریا حیات، عبدالرحمٰن اور رانا عبدالوحید نے ایک، ایک گول کیا۔قبل ازیں پاکستان نے اپنے دوسرے میچ میں بنگلہ دیش کو 6 کے مقابلہ میں 15 گول سے شکست دیدی۔ ارشد لیاقت کو مین آف دی میچ کا ایوارڈ دیا گیا۔ کپتان راناعبدالوحید اشرف نے 4 گول، ارشد لیاقت نے 3 گول، محمد عبداللہ نے 3 گول، عبدالرحمن نے 2 گول جبکہ احتشام اسلم، مرتضی یعقوب اور ذکریا حیات نے ایک، ایک گول کیا۔