دورہ ٹلہ فائرنگ رینج، مشقوں کا معائنہ، جوانوں کی جنگی مہارت، جذبہ قابل تعریف: جنرل عاصم

اسلام آباد (خبرنگارخصوصی) آرمی چیف جنرل سید عاصم منیر نے بدھ کو جہلم کے قریب ٹلہ فیلڈ فائرنگ رینجز کا دورہ کیا۔ پاک فوج کے شعبہ تعلقات عامہ(آئی ایس پی آر) کے مطابق آرمی چیف نے فیلڈ فائر اور جنگی مشقوں کا مشاہدہ کیا۔ اس موقع پر آرمی چیف کو مشق کے لیے طے شدہ تربیتی مقاصد کے بارے میں بریفنگ دی گئی۔ سپہ سالار نے مختلف آپریشنل مشقوں کے انعقاد میں فضائیہ، آرمی ایوی ایشن اور زمینی دستوں کی کارکردگی اور ہم آہنگی کو سراہا۔ آرمی چیف نے فوجیوں کی جنگی مہارت اور جارحانہ جذبے کی تعریف کی۔ انہوں نے فوجیوں کے بلند حوصلے اور جنگی صلاحیتوں کو بھی سراہا۔ قبل ازیں ٹلہ فیلڈ فائرنگ رینج آمد پر کور کمانڈر 4 کور لیفٹیننٹ جنرل سید عامر رضا نے آرمی چیف کا استقبال کیا۔