قومی ویمن کرکٹر کائنات امتیاز کمنٹیٹر بننے کیلئے تیار

لاہور(سپورٹس رپورٹر)قومی ویمن کرکٹر کائنات امتیازکمنٹیٹر بننے کیلئے تیار ہیں ۔ویمن کرکٹر کائنات امتیاز پاکستان جنوبی افریقہ ویمن سیریز کیلئے کمنٹری پینل میں شامل ہیں، کائنات امتیاز کیساتھ لینا عزیز، سکندر بخت، علی یونس اور شاہ فیصل کو کمنٹری پینل کا حصہ بنایا گیا ہے،کائنات امتیاز اس سے قبل ویمن ڈومیسٹک کے میچ میں مہمان کمنٹیٹر کے فرائض انجام دے چکی ہیں،یہ سیریز فاسٹ بائولر کی پہلی انٹرنیشنل کمنٹری اسائنمنٹ ہوگی، انہوں نے کہا کہ خواہش ہے کہ کمنٹری اور سپورٹس پریزینٹر کے طور پر کیرئیر اپنائوں۔