ڈاکٹر ریاض انجم کی زیر صدارت بلھے شاہ ادبی سنگت رجسٹرڈ قصور کا اجلاس 

قصور (نمائندہ نوائے وقت) بلھے شاہ ادبی سنگت رجسٹرڈ قصور کا اجلاس مرکزی صدرڈاکٹر ریاض انجم کی زیر صدارت ہوا اجلاس میں پہلی عالمی پنجابی کانفرنس کی تیاری کے حوالہ سے بریف کیا گیا اور کارکنان کو ذمہ داریاں سونپی گئیں۔ ڈاکٹر ریاض انجم نے بتایا کہ 31 اگست بروز ہفتہ کو منعقد ہو نے والی کانفرنس کی صدارت ڈاکٹر مجاہدہ بٹ چیئر پرسن شعبہ پنجابی وویمن یونیورسٹی لاہور کریں گی جبکہ ڈاکٹر ارشد محمود ناشاد‘ احمد رضاقصوری‘ مدثر اقبال بٹ‘ڈاکٹر مشتاق عادل اور ڈاکٹر محمد واجد مہمان خصوصی ہوں گے۔ مقالہ نگاروں میں ڈاکٹر ریاض شاہد‘ ڈاکٹر محمد ایوب‘ڈاکٹر فضیلت بانوکے علاوہ دیگر ممالک سے گردیش کور گریول‘ڈاکٹر جو گا سنگھ ورک‘ڈاکٹر جسبیر سنگھ سرنا‘ڈاکٹر دیویندرپال‘ڈاکٹر جسوندر سنگھ اور دیگر مندوبین ومصنفین بھی اپنے مقالہ جات پیش کریں۔