فیروز والہ :مشکوک افراد کی پولیس موبائل پارٹی پر فائرنگ‘ ہیڈ کانسٹیبل زخمی 

 فیروزوالہ( نامہ نگار) جی ٹی روڈ پر کالا شاہ کاکو کے قریب موٹرسائیکل پر سوار مشکوک افراد کی پولیس پارٹی پرفائرنگ‘ ہیڈ کانسٹیبل سلامت زخمی ہو گیا ۔ تھانہ فیروزوالہ ٹی ایس آئی بلال حسین دیگر اہلکار جی ٹی روڈ پر مشکوک افراد کی چیکنگ کر رہے تھے۔ اس دوران موٹرسوار دو مشکوک افراد کو پولیس نے رکنے کا اشارہ کیا تو مشکوک افراد نے فائرنگ کردی ۔ ہیڈ کانسٹیبل سلامت زخمی ہو گیا جسے ہسپتال منتقل کر دیا۔ پولیس نے مشکوک افراد کی تلاش کیلئے سرچ آپریشن شروع کر کے مقدمہ درج کر لیا۔