نوشہرہ ورکاں:آئس کی فروخت کا دھندہ عروج پر،سینکڑوں نوجوان نشے کا شکار

نوشہرہ ورکاں (نامہ نگار)آئس کی فروخت کا دھندہ عروج پر،سینکڑوں نوجوان آئس کا شکار ہوگئے،پولیس نے آنکھیں موندھ لیں،بتایاگیاہے کہ نوشہرہ ورکاں سٹی اور گردونوح میں ہر روزآئس کے نشہ میں مبتلا ہونے والے نوجوانوں کی تعداد میں تیزی سے اضافہ ہورہا ہے چودہ پندرہ سال کی عمر کے بچے بھی آئس کا شکار بن رہے ہیں جبکہ آئس کے عادی افراد کی جانب سے نشہ خریدنے کے لئے چوری کی وارداتوں میں بھی خطر ناک حد تک اضافہ ہوچکا ہے نشئی لوگوں کی چھتیں اور دیواریں پھلانگ کر جوملے اٹھا لے جاتے ہیں محلہ رڑوالہ ،محلہ باٹھ ، چاندکالونی اور نئے آباد ہونے والے محلوں کے علاوہ دیہاتوں میں بھی منشیات فروشی دیدہ دلیری سے جاری ہے ذرائع کے مطابق آئس اور دیگر منشیات کے دھڑلے سے فروخت میں مبینہ طور پر پولیس اہلکاران کی پشت پناہی بڑی وجہ ہے عوامی وسماجی حلقوں نے اعلی پولیس حکام سے شہر میں منشیات فروشوں کے خلاف سخت ترین ایکشن کا مطالبہ کرتے ہوئے کہا ہے کہ بھرپور مہم کے زریعے ہر محلہ سے منشیاف فروشوں کو گرفتارکیاجائے گھناؤنے دھندے کو بند کرواکر اس میں ملوث تمام عناصر کو کیفر کردار تک پہنچایا جائے تاکہ نوجوان نسل کو تباہی سے بچایا جاسکے۔