موسلا دھار بارش سے بیٹ گلی میں تین کچے مکان مہندم، جانی نقصان نہیں ہوا

تربیلا(نامہ نگار )تحصیل غازی میں موسلا دھار بارش کا سلسلہ جاری،تربیلا جھیل سے پار یوسی بیٹ گلی میں تین کچے مکان مہندم ہو گئے۔ کوئی جانی نقصان نہیں ہوا۔تربیلا جھیل سے پار یونین کونسل بیٹ گلی میں موسلا دھار بارش سے موضع کنیر میں عارف ولد نور حسین، اورنگزیب ولد صفدر سکنہ بیسک اور بدری زمان ولد فقیر محمد سکنہ بیسک کے  کچے مکانات مہندم ہوئے ہیں۔تا ہم اللہ تعالٰی  کے فضل و کرم سے کوئی جانی نقصان نہیں ہوا ہے۔