پولیس لائنز ہیڈکوارٹرز میں فرینڈز آف پولیس انٹرن شپ پروگرام کا 15 واں بیچ اختتام پذیر

راولپنڈی(اپنے سٹاف رپورٹر سے)راولپنڈی پولیس لائنز ہیڈکوارٹرز میں فرینڈز آف پولیس انٹرن شپ پروگرام کے 15 ویں بیچ کا اختتام، رکن صوبائی اسمبلی شازیہ رضوان نے خصوصی شرکت کی،انٹرن شپ پروگرام میں ایس ایس پی انوسٹی گیشن صبا ستار نے مختلف تعلیمی اداروں کے طلباء و طالبات کو پولیس ورکنگ اور پولیسنگ کے مختلف شعبوں پر لیکچرز دئیے، طلباء  و طالبات کو پولیس اسٹیشن ورکنگ،پولیس خدمت مرکز، فرنٹ ڈیسک، مختلف پولیس ایپس،ٹریفک پولیس،قانونی اور عدالتی کاروائی کے بارے میں آگاہی دی، طلباء  و طالبات کو سپیشل انیشیٹو پولیس اسٹیشن،پولیس لائنز ہیڈ کوارٹرز، کمانڈ اینڈ کنٹرول روم، ٹریفک ہیڈکوارٹرز، پولیس خدمت مرکز لیاقت باغ اورلیگل برانچ کا بھی دورہ کروایا گیا، رکن صوبائی اسمبلی شازیہ رضوان نے کہا کہ انٹرن شپ پروگرام سے طلباء  و طالبات اور نوجوانوں کے تعاون اور مشاورت سے کمیونٹی پولیسنگ کو مزید بہتر بنانے میں مدد ملے گی،ایس ایس پی انوسٹی گیشن صبا ستار کا کہنا تھاکہ انٹرن شپ پروگرام کا مقصد پولیسنگ سے آگاہی اور اس میں بہتری کے لئے نوجوانوں کو ساتھ لے کر چلنا ہے۔