لاہور (کلچرل رپورٹر) سٹیج کے معروف اداکار ببو برال نے وزیراعلیٰ پنجاب کی طرف سے علاج کی پیشکش پر ان کا شکریہ ادا کیا ہے۔ ببو برال نے کہا کہ گزشتہ روز وزیراعلیٰ پنجاب میاں شہباز شریف کی طرف سے کبیرتاج میرے گھر پر آئے اور میری خیریت دریافت کی اور ساتھ کہا کہ آپ علاج کرائیں اور جتنے اخراجات آپ کے علاج پر آئیں گے وہ ہم برداشت کریں گے۔ ببو برال نے کہا کہ طویل عرصے سے میرے گردوں میں تکلیف ہے اور ڈاکٹروں نے گردوں کی تبدیلی کا مشورہ دیا ہے۔