لاس اینجلس (آئی این پی) ہالی ووڈ اداکارہ برٹنی مرفی کو آج (جمعرات کو) دفنا دیا جائے گا۔ ذرائع کے مطابق برٹنی مرفی کی آخری رسومات آج ہالی ووڈ ہلز فارسٹ لان کے قبرستان میں ادا کی جائے گی۔ برٹنی مرفی 32 سال کی عمر میں دو ہفتہ قبل دل کا دورہ پڑنے سے انتقال کر گئی تھیں۔ ان کی 2007ءمیں برطانوی سکرین رائٹر سمین مونجیک سے شادی ہوئی تھی تاہم کوئی اولاد نہ تھی۔ وہ ایک نفسیاتی عارضے کی دوائیاں لے رہی تھیں۔ برٹنی کے خاندانی ذرائع کے مطابق وہ برٹنی کی یاد میں ایک تعزیتی تقریب نئے سال کے موقع پر منعقد کریں گے جبکہ اس کی تدفین کی رسومات سادگی سے بہت کم لوگوں کی موجودگی میں ادا کی جائیں گی۔