میلبورن (اے پی اے) بگ بیش ٹی ٹونٹی لیگ کرکٹ ٹورنامنٹ میں میلبورن رینیگیڈز نے سڈنی تھنڈرز کو 6 رنز سے شکست دیدی۔ آسٹریلیا میں جاری بگ بیش ٹی ٹونٹی کرکٹ لیگ کے راونڈ میچ میں میلبورن رینیگیڈز مقررہ اوورز میں 8 وکٹوں پر 140 رنز بنا سکی۔ ارون فنچ نے 44 اور بریڈ ہوگ نے 41 رنز بنائے۔ سڈنی تھنڈرز کیلئے ڈورن، ایبٹ اور بٹرورتھ نے دو، دو کھلاڑیوں کو آوٹ کیا۔ جواب میں سڈنی تھنڈرز کرس گیل کی شاندار 75 رنز کی اننگز کے باوجود سات وکٹوں پر 134 رنز تک محدود رہی۔ شاہد آفریدی نے تین کھلاڑیوں کو آوٹ کیا۔ ہارووڈ اور ٹیٹ نے دو، دو وکٹیں حاصل کیں۔