چوہنگ: مبینہ مقابلہ، 2 ڈاکو ہلاک، قصور میں ساتھیوں کی فائرنگ سے ملزم مارا گیا

لاہور + قصور (اپنے نمائندے سے + نامہ نگار) چوہنگ کے علاقے میں مبینہ پولیس مقابلے میں دو ڈاکو ہلاک ہو گئے۔ ذرائع کے مطابق دونوں ملزم حراست میں تھے۔ مقابلوں کے روایتی اہلکاروں نے چوہنگ کے علاقے میں رات گئے لیجا کر ہتھکڑیاں اتارنے کے بعد مبنیہ پولیس مقابلہ میں دونوں کو پار کر دیا۔ چوہنگ پولیس کے مطابق جوبلی ٹاﺅن کے قریب ناکہ لگا رکھا تھا مشکوک موٹر سائیکل سوار دو نامعلوم ڈاکوﺅں نے فائرنگ کر دی، جوابی فائرنگ پر مارے گئے۔ قصور سے نامہ نگار کے مطابق الہ آباد کے نواحی گاﺅں نین وال کے نزدیک خطرناک ڈاکو اپنے ساتھی ڈاکوﺅں کی فائرنگ سے ہلاک ہو گیا۔ ساتھی ڈاکوﺅں نے شرافت عرف کاکا کو چھڑوانے کے لئے پولیس پارٹی پر فائرنگ کی اور ساتھی ڈاکوﺅں کی فائرنگ سے شرافت ہلاک ہو گیا۔