کراچی میں فول پروف سیکیورٹی کے باوجود دہشتگردوں نے شہریوں کوجینا محال کردیا ہے، بزرٹا لائن کا علاقہ رات گئے سے جنگ کا منظرپیش کررہا ہے جہاں دوگرپوں کے درمیان وقفے وقفے سے فائرنگ کا تبادلہ ہوا۔ جس کے نتیجے میں عبدالستاراورنوازش نامی دو افراد قتل ہوگئے، پولیس کے مطابق مقتولین کا تعلق سیاسی جماعتوں سے ہے، واقعہ کے بعد علاقے میں خوف ہراس پھیل گیا جس کے باعث کاروباری مراکزبند کردئیے گئے۔ ماڑی پورمیں بھی لیاری ایکسپریس کے قریب سے ایک شخص کی لاش ملی ہے پولیس کے مطابق مقتول کوتشدد کے بعد قتل کیا گیا۔ تھانہ پاک کالونی کی حدود میں دھوبی گھاٹ کے قریب گولیاں مارکرقتل ہونے والے شخص کی لاش برآمد ہوئی۔ جبکہ نارتھ کراچی میں فائرنگ سے مولانا شوکت زخمی اوراورنگی ٹاؤن میں جواد حسن نامی نوجوان جاں بحق ہوگیا۔ پنجاب چورنگی کے نزدیک فائرنگ کے واقعہ میں مشتاق نامی شخص قتل جبکہ ایک شخص زخمی ہوگیا۔ ادھرکورنگی ویٹا چورنگی کے نزدیک فائرنگ کے واقعہ میں ایک شخص اپنی جان سے ہاتھ دھوبیٹھا جبکہ نیو کراچی ایوب گوٹھ میں فائرنگ کے واقعہ میں تین خواتین سمیت چارافراد ہلاک ہوگئے۔