نواب شاہ (آئی این پی) پیپلز پارٹی کا بزرگ جیالا  آصف زرداری سے ملنے کیلئے احتجاج کرتے ہوئے  بے ہوش ہو گیا،  بزرگ جیالے کو ہسپتال منتقل کر دیا گیا۔ منگل کو آصف علی زرداری  نواب شاہ پہنچے ان کی  آمد کا سن کر ٹھٹھہ  کی تحصیل سجاول سے تعلق رکھنے والا بزرگ جیالا ان سے ملنے کیلئے آیا لیکن سکیورٹی اہلکاروں نے اسے روک لیا جس پر اس نے احتجاج شروع کر دیا کہ مجھے آصف زرداری سے ملنے دیا جائے لیکن کسی نے اس کی نہ سنی اور وہ احتجاج کرتے کرتے بے ہوش ہو گیا جس کے بعد  اسے ہسپتال منتقل کر دیا گیا ہے۔