قومی ہاکی چیمپئن شپ: ایئر فورس پی آئی اے کی ٹیمیں کامیاب

کراچی (سپورٹس رپورٹر) 62 ویں نیشنل ہاکی چیمپئن شپ میں کے پی کے نے پنجاب کی مضبوط ٹیم کو2-1 سے ہراکر اپ سیٹ کردیا، ایئر فورس نے پولیس کے خلاف6-1 سے کامیابی حاصل کی ،پاکستان انٹرنیشنل ایئر لائنز نے سندھ کو 7-0سے مات دی ،اورآخری میچ میں پاکستان کسٹمز کی ٹیم پی ٹی وی کو شکست دینے میں ناکام رہی، مقابلہ1-1 سے برابر رہا۔ان میچوں میں ایئرفورس کے مشتاق نے3 گول سکور کرکے شاندار ہیٹ ٹرک مکمل کی۔ پی آئی اے نے میزبان سائیڈ سندھ کو7-0 سے مات دیدی۔ سندھ کی ٹیم کوئی گول نہ کرسکی۔ کسٹمز کی ٹیم ایک گول کی برتری کے باوجود پی ٹی وی کو شکست دینے میں ناکام رہی۔