کراچی( کلچرل رپورٹر) ممتاز نقاد و شاعر جاذب قریشی کے اعزازمیں محفل اعتبار اتوار31 دسمبر کو صبح 11بجے بندھن ہال گلشن اقبال میں ہوگی۔ ان کی دو کتابیں ’’میری تنقید ‘‘اور ’’میری شاعری ‘‘ حال ہی میںمنظر عام پر آئی ہیں کتابوں کی اس تقریب میں مجلس صدارت میں ممتاز شخصیات رسا چغتائی، پروفیسر سحر انصاری، ڈاکٹر پیر زادہ قاسم ، محسن ملیح آبادی ، جعفر احمد اور فراست رضوی شامل ہیں مقررین میں ڈاکٹر رخسانہ صبا، اکرم کنجاہی اظہار خیال کریں گے، ابتدائی کلمات اختر سعیدی، کلمات تشکر طارق جمیل ادا کریں گے۔