لاہور(این این آئی)19 واں نیشنل سینئرز کرکٹ کپ ،لاہور سپارٹنز نے گولڈن ایگلز کو 8 وکٹوں سے ہراکر اپ سیٹ کر دیا، گولڈن ایگلز نے پہلے کھیلتے ہوئے مقررہ 30 اوورز میں 8 کھلاڑیوں کے نقصان پر 206 رنز بنائے۔ لاہور سپارٹنز کی طرف سے عمدہ باﺅلنگ کا مظاہرہ کرتے ہوئے حافظ وسیم نے 3/31 اور شیخ طاہر نے 2/14 وکٹ حاصل کیں۔ جواب میں لاہور سپارٹنز نے 27.2اوورز میں 2 کھلاڑیوں کے نقصان پر مطلوبہ سکور پورا کرلیا۔زاہد اقبال نے شاندار بیٹنگ کا مظاہرہ کرتے ہوئے 3 چھکوں اور 8 چوکوں کی مدد سے 86 رنز ناٹ آﺅٹ بنائے جبکہ مدثر راٹھور نے 64 رنز بنائے۔ گولڈن ایگلز کی طرف سے شاہد انور نے 1/27 اور ریاض برناڈ نے 1/39 وکٹ حاصل کیں۔ صغیر احمد ، قیصر خان امپائر جبکہ وقار احمد سکورر تھے۔