ٹیکسلا(نمائندہ نوائے وقت)پاکستان کی سلامتی اوربقاء کیلئے میاںنوازشریف کی سربراہی میںجوخدمات مسلم لیگ ن کی حکومت نے انجام دی ہیں،موجودہ حکمران اس کے عشرہ عشیربھی خدمات انجام نہیںدے سکتے،مقدمات کااندراج اورگرفتاریاںمسلم لیگ ن سے وابستہ قیادت اورکارکنان کے حوصلوںکوکسی صورت پست نہیںکرسکتے،ان خیالات کااظہارضٖلعی رہنماء وسابق امیدواراین اے63 سردارممتازخان پسوال نے سابق صوبائی امیدوارراجہ سرفرازاصغرکی زیرصدارت واہ کینٹ میںمنعقدہ تحصیل بھرکی تقریب یوم تاسیس کے شرکاء سے خطاب کرتے ہوئے کیا،اس موقع پرحاجی خالدخان پوڑ،اورنعمان مسعودعلی خان بھی موجودتھے،سردارممتازخان نے کہاکہ ملک کوایٹمی قوت بنانے کے ساتھ ساتھ ایٹمی تنصیبات کے دفاع اورتحفظ کیلئے میاںنوازشریف کی حکومت کاجرائتمندانہ کردارپوری دنیاکے سامنے ہے،انہوںنے کہاکہ ملک کودہشت گردی اوربدامنی سے پاک کرنے کیلئے ن لیگ کی حکومت نے ٹھوس بنیادوں پراقدامات اٹھائے،انہوںنے یوم تاسیس کے موقع پرراجہ سرفرازاصغرودیگرکارکنان کے ہمراہ مل کرکیک کاٹا،اورمحترمہ بیگم کلثوم نوازمرحومہ کیلئے دعائے مغفرت کرنے کے ساتھ ساتھ ملکی سلامتی اورقومی بقاء کیلئے خصوصی دعاکی گئی۔