مانانوالہ( نامہ نگار)باراتیوں کی فائرنگ و آتشبازی سے لاکھوں روپے مالیت کی بھینسیں اور گدھی ہلاک ہو گئی۔ بتایا گیا ہے کہ گزشتہ روز مانانوالہ کے نواحی گاؤں گورائیوالہ کے رہائشی شبیر احمد کی شادی پر مہمانوں نے ہوائی فائرنگ اور آتشبازی کی جس کے نتیجے میں محمد رفیق کی حویلی میں آگ لگ گئی،آگ لگنے کے نتیجے میں لاکھوں روپے مالیت کی دو بھینسیں اور ایک گدھی ہلاک ہو گئیں۔ اہلیان گاؤں نے اپنی مدد آپ کے تحت ایک گھنٹے کی سر توڑ کوشش کے بعد آگ پر قابو پایا۔