کرائسٹ چرچ ( آن لائن ) سری لنکن آل رائونڈر اینجلو میتھیوز نیوزی لینڈ کے خلاف رواں کرائسٹ چرچ ٹیسٹ کے دوران ہیمسٹرنگ انجری کا شکار ہو گئے۔تفصیلات کے مطابق سری لنکا اور نیوزی لینڈ کے درمیان جاری دوسرے ٹیسٹ میچ کے چوتھے روز میتھیوز بیٹنگ کے دوران رننگ کرتے ہوئے ہیمسٹرنگ انجری میں مبتلا ہو گئے ہیں، انجری کی وجہ سے انہیں ریٹائرڈ ہرٹ ہونا پڑا اور اب ان کی دوسری اننگز میں دوبارہ شرکت غیریقینی صورتحال کا شکار ہو گئی ہے۔ سری لنکن ٹیم مینجمنٹ نے اس بات کی تصدیق کرتے ہوئے کہا کہ میھیتوز کا سکین کیا گیا اور رپورٹ آنے کے بعد ہی ان کی انجری کی نوعیت کے بارے معلوم ہو گا۔ میتھیوز 22 رنز بنا کر ریٹائرڈ ناٹ آئوٹ ہیں۔