بنگلہ دیش پریمیئر لیگ، کھلنا ٹائٹنز نے آئرش کرکٹر پال سٹرلنگ سے معاہدہ کر لیا

ڈھاکہ ( آن لائن ) کھلنا ٹائٹنز نے آئندہ ماہ شیڈول بنگلہ دیش پریمیئر لیگ کیلئے آئرش کرکٹر پال سٹرلنگ سے معاہدہ کر لیا، وہ نیل اوبرائن کے بعد ٹائٹنز فرنچائز کو جوائن کرنے والے دوسرے آئرش کھلاڑی ہیں۔سٹرلنگ نے اپنے بیان میں کہا کہ کھلنا ٹائٹنز سے معاہدہ کرنے پر بے حد خوشی ہوئی، دنیائے کرکٹ کے نامور کھلاڑیوں کے ساتھ کھیلنے سے بہت کچھ سیکھنے کا موقع ملے گا جس کا مستقبل میں فائدہ ہو گا، کوشش ہو گی کہ عمدہ کارکردگی کا مظاہرہ کر کے حکام کی توقعات پر پورا اتروں۔