سال نو: کراچی میں ڈبل سواری پر پابندی‘ دفعہ 144 بھی نافذ

کراچی (نیٹ نیوز) سال نو کے موقع پر دفعہ 144 نافذ کر دی گئی ہے۔ جس کے تحت آج رات 12 بجے سے یکم جنوری کی صبح تک کراچی میں ڈبل سوار پر بھی پابندی ہوگی۔ محکمہ داخلہ سندھ کی جانب سے دفعہ 144 کے نفاذ کا نوٹی فکیشن جاری کر دیا گیا ہے۔ سندھ حکومت کی جانب سے سال نو کی آمد کے موقع پر اسلحہ کی نمائش، ہوائی فائرنگ اور آتش گیر مادہ کے استعمال پر بھی پابندی عائد کی گئی ہے۔