سعودی عرب :نامناسب لباس پہننے پرخواتین سمیت مزید 60 گرفتار

ریاض (اے پی پی) سعودی دارالحکومت ریاض کی پولیس کے مطابق پبلک مقامات پر نامناسب لباس پہن کر گھومنے پھرنے پر مزید 60 افراد کو گرفتار کیا گیا ہے۔ ان میں37 خواتین شامل ہیں۔ انہیں سماجی تہذیب کے منافی سرگرمیوں پر سرزنش بھی کردی گئی ہے۔ ریاض پولیس کے ترجمان نے بتایا کہ گرفتاری کی کارروائی سماجی تہذیب کے تحفظ کے جاری لائحہ عمل پرعمل درآمد کے تحت کی گئی ہے۔