ملک بھر میں کڑاکے کی سردی،ٹرینوں اور پروازوں کا شیڈول متاثر

ملک بھر میں شدید سردی نے ڈیرے ڈال رکھے ہیں جبکہ دھند کے باعث ٹرینوں کا شیڈول متاثر ہو گیا ہے حد نگاہ انتہائی کم ہے اور ایئرپورٹس پر فلائٹ آپریشن بھی متاثر ہے۔ملک بھر میں شدید دھند کا راج برقرار ہے جس سے سردی کی شدت میں بھی اضافہ ہو گیا۔ دھند کے باعث پروازیں کا شیڈول متاثر ہے۔شارجہ سے آنے والی  نجی ائیر لائن کی پرواز تاخیر کا شکار ہو گئی ہے جبکہ دوحا سے آنے والی نجی ائیرلائن کی پرواز منسوخ کر دی گئی ہے۔شارجہ اور دبئی جانے والے دو پروازیں بھی تاخیر کا شکار ہیں جبکہ نجی ائیر لائن  کی دبئی جانے والے ایک پرواز کو منسوخ کر دیا گیا ہے۔