نیول ہیڈکوارٹرز اسلام آباد میں پاک بحریہ کی کمانڈ اینڈ اسٹاف کانفرنس کا انعقاد کیا گیا۔ترجمان پاک بحریہ کے مطابق کانفرنس کی صدارت پاک بحریہ کے سربراہ ایڈمرل ظفرمحمود عباسی نے کی جبکہ کانفرنس کے دوران خطے اور میری ٹائم کی سکیورٹی صورتحال، پاک بحریہ کی آپریشنل تیاریوں اور تربیتی و فلاحی منصوبوں کا جائزہ لیا گیا۔ترجمان پاک بحریہ نے کہا کہ نیول چیف ایڈمرل ظفر محمود عباسی کو پاک بحریہ کے جاری اور مستقبل کے منصوبوں پر بریفنگ بھی دی گئی۔ترجمان پاک بحریہ کے مطابق نیول چیف نے پاک بحریہ کی آپریشنل تیاریوں پر مکمل اطمینان کا اظہارکیا ، کانفرنس میں اس بات کا اعادہ بھی کیا گیا کہ پاک بحریہ کسی بھی قسم کی صورت حال سے نمٹنے کے لیے ہمہ وقت تیار اور مستعد ہے۔