پاکستان  اچھا کھیلا‘ورلڈ ٹیسٹ چیمپئن شپ کا فائنل کھیلنا چاہتے ہیں: کین ولیم سن 

لاہور(سپورٹس رپورٹر+نمائندہ سپورٹس )نیوزی لینڈ ٹیم کے کپتان کین ولیمسن نے میچ کے اختتام پر گفتگو کرتے ہوئے کہاکہ پاکستان ٹیم کو آخری روز تک کھیلنے پر کریڈٹ جاتا ہے۔ٹیسٹ کے پانچویں روز پاکستانی بیٹسمینوں فواد عالم اور محمد رضوان نے نیوزی لینڈ کے بائولرز کے خلاف سخت مزاحمت کی، تاہم دونوں کے آئوٹ ہوجانے کے بعد پاکستان کو میچ بچانا مشکل ہوگیا۔ فتح کے ساتھ نیوزی لینڈ ٹیسٹ کرکٹ کی تاریخ میں پہلی مرتبہ پہلے نمبر پر بھی پہنچ گیا۔نیوزی لینڈ کے کپتان کین ولیمسن نے اس فتح پر کہا ہے کہ ہماری توجہ موجودہ وقت پر ہے، ہم ورلڈ ٹیسٹ چیمپئن شپ کا فائنل کھیلنا چاہتے ہیں۔پاکستان کی ٹیم نے بھی اچھا میچ کھیلا ہے۔