لاہور(سپورٹس رپورٹر)انٹرنیشنل کرکٹ کونسل نے ون ڈے کے پلیئر آف دی ایئر کیلئے بھی نامزدگیوں کا اعلان کر دیا ۔ نامزد کھلاڑیوں میںپاکستان کے کپتان بابر اعظم بھی شامل ہیں۔آئی سی سی کی جانب سے ون ڈے کیلئے نامزد کردہ بہترین کھلاڑیوں میں پاکستان کے کپتان بابر اعظم کے علاوہ بنگلہ دیش کے شکیب الحسن، جنوبی افریقہ کے ینامن میلان اور آئرلینڈ کے پال سٹرلنگ بھی شامل ہیں۔خیال رہے کہ ایک روزہ کرکٹ کھیلنے والے کھلاڑیوں کی رینکنگ میں پاکستان کے بابر اعظم بیٹنگ میں پہلے نمبر پر ہیں جبکہ بنگلا دیش کے شکیب الحسن کا آل راؤنڈرز کی رینکنگ میں پہلا نمبر ہے۔