کراچی (نوائے وقت رپورٹ)ایچ بی ایل ،پی ایس ایل  2022 میں فوڈ پانڈا نے اسلام آباد یونائیٹڈ کے ساتھ اشتراک کرلیا۔ ٖفوڈ پانڈا پاکستان ، قوم کی اعلیٰ آن لائن فوڈ اینڈ گروسر ی ڈیلیوری سروس ہے جو کامیاب ترین فرنچائز  ہے ، اس نے 2022کے لئے HBL PSLکی تاریخ میں دو مرتبہ کی چیمپئین 'اسلام آباد یونائیٹڈ'کے ساتھ اشتراک کا اعلان کیا ہے۔ٖفوڈ پانڈاپاکستان کے ڈائریکٹر مارکیٹنگ، سید وقاص اظہر نے کہا، "یہ دوبڑے اداروںکے درمیان حکمت عملی کی پارٹنر شپ ہے جو قوم کے مقبول ترین کھیل کے پوائنٹس کیلئے دونوں کے مشترکہ ناظرین میں ایک یادگارتاثرقائم کرے گی اور 2022کے کرکٹ سیزن کیلئے ایک سماں پیدا کرے گی۔ کرکٹ کی چاہت کو فوڈ کی چاہت کے ساتھ ملا کرکامیابی کے یقین کا لطف دوبالا ہوگا۔"اس اشتراک کے بارے میں گفتگو کرتے ہوئے ISLUٹیم کے مالک علی نقوی نے کہا،"ہمیں پاکستان میں مقبول ترین آن لائن پلیٹ فارم کے ساتھ اشتراک کی بہت خوشی ہے۔