تتلے عالی : تنگ خورد قبرستان پر بااثر افراد کا دھاوا، قبریں مسمار کر دیں

نوشہرہ ورکاں (نمائندہ نوائے وقت) بااثر افراد نے قبریں مسمار کر دی تفصیلات کے مطابق تھانہ تتلے عالی کے گاؤں تنگ خورد میں زمیندار میجر عبدالسلام مرحوم نے 36 سال قبل قبرستان کے لئے ایک ایکڑ زمین وقف کی تھی جہاں پر اہل دیہہ مردے دفناتے رہے گزشتہ روز ملزمان غلام مصطفے، مدثر، محمد شریف، سیٹھ اکبر اور دیگر آٹھ سے دس مسلح افراد نے کرین کی مدد سے عبدالسمیع اور عبدالحنان کے کہنے پر قبریں مسمار کر دیں جس پر ملزمان کے خلاف اہلیان دیہہ عامر شہباز اور غلام حسین وغیرہ نے اندراج مقدمہ کے لئے تھانہ تتلے عالی میں درخواست دی مگر بااثر ملزمان کے خلاف مقدمہ درج نہیں کیا گیا۔ جس پر مقامی عدالت میں اندراج مقدمہ کے لئے رٹ دائر کر دی گئی ہے۔