کوٹ رادھاکشن(نمائندہ خصوصی) تعلیمی نصاب کو بہترین انداز میں بچوں تک پہنچانے کیلئے تربیت اساتذہ ورکشاپ کا انعقاد کیا گیا۔ تفصیلات کے مطابق گذشتہ روز مقامی شادی ہال میں کوٹ رادھاکشن اور رائیونڈ کے پرائیویٹ سکولوں کے پرنسپلز اوراساتذہ کیلئے عمران بکڈپو کے زیر اہتمام گوہر پبلشرکے تعاون سے تربیت اساتذہ ورکشاپ کا انعقاد کیا گیا ۔ ورکشاپ میں ماہرین تعلیم نے اساتذہ کو بچوں تک بہترین اندازمیں نصاب تعلیم کو پہنچانے، بہترین طریقے کے ساتھ اچھے نتائج حاصل کرنے اور سلیبس کو سال بھر کے تعلیمی دنوں میں تقسیم کرنے کے حوالے سے بتایا ۔