ضلع بھر کے پارکس کی تزئین وآرائش کا پروگرام شروع کر دیا: ڈپٹی کمشنر شیخوپورہ

شیخوپورہ (نمائندہ خصوصی+ نامہ نگار خصوصی+ نمائندہ نوائے وقت) ڈپٹی کمشنر شیخوپورہ رانا شکیل اسلم نے کہا ہے کہ ضلع بھر کے تمام پارکوں کی تزئین وآرائش کا پروگرام شروع کر دیاگیا ہے وزیر اعظم کے پروگرام کلین اینڈ گرین کے تحت لاہور روڈ نہر اپر چناب کے قریب فروٹ فارم پر کام جا ری ہے ان خیالات کا اظہار انہوں نے ایک اجلاس سے خطاب کرتے کیا اجلاس میں وزیر اعظم کلین اینڈ گرین پروگرام کے ضلعی کوارڈینیٹر ماجد منظور کاہلوں، ایڈیشنل ڈپٹی کمشنر جنرل موسیٰ علی بخاری ، ایڈیشنل ڈپٹی کمشنر ریوینیو سرمد تیمور ، اسسٹنٹ کمشنر میاں جمیل اور دیگر متعلقہ محکموں کے افسر بھی موجود تھے ڈپٹی کمشنر نے کہاکہ شیخوپورہ شہر کو خوبصورت بنانے کیلئے پارکوں کی تعداد میں اضافہ بھی کیا جا ئے گا ہائوسنگ کالونی میں موجود پارکوں کی تزئین و آرائش کے ساتھ ساتھ گرین بیلٹ پر بھی جلد کام شروع کیا جائے گا علاوہ ازیں ڈپٹی کمشنرنے ڈسٹرکٹ ہسپتال کا اچانک دورہ کیا ۔