گوجرانوالہ(نمائندہ خصوصی) صوبائی وزیر صحت سپیشلائزڈ ہیلتھ، تحریک انصاف سنٹرل پنجاب ڈاکٹریاسمین راشدنے کہا کہ عمران خان وفاقی حکومت کو عام انتخابات سے بھاگنے نہیں دیں گے۔عمران خان کے ویژن کو عوام تک پہنچانے کیلئے بھرپور کوششیں جاری ہے۔ پاکستان تحریک انصاف کی حقیقی آزادی مارچ میں پارٹی چیئرمین عمران خان کے و ژن کو عوام تک پہنچانے اور اہم کردار ادا کرنےوالے پاکستان تحریک انصاف عہدیداران ‘کارکن اور ورکر مبارکباد کے مستحق ہیں ۔ان خیالات کا اظہار انہوں نے گذشتہ روز گوجرانوالہ سے ضلعی صدر میاں محمد ارقم خان کی قیادت میں سیکرٹری جنرل چوہدری بلال ناصر چیمہ ، سٹی صدر خالد عزیز لون ، سٹی جنرل سیکرٹری چوہدری طارق گجر ، ضلعی انفارمیشن سیکرٹری محمد فیاض کھوکھر ، صدر انصاف سٹوڈنٹ فیڈریشن عمر چدھڑ ، صدر یوتھ ونگ رانا طیب احمد ، اور سعد جمیل عرفانی سے خصوصی ملاقات کے موقعہ پر کیا۔