اوکاڑہ؍ قائد آباد  (نامہ نگار+ نوائے وقت رپورٹ)  اوکاڑہ، قائد آباد میں حادثوں میں پانچ افراد جاں بحق ہو گئے۔ اوکاڑہ فیصل آباد روڈ پر آئل ٹینکر کی موٹرسائیکل کو ٹکر سے  موٹرسائیکل  پر سوار خاتون سمیت 2 افراد جاں بحق اور ایک خاتون شدید زخمی ہوگئی۔ حادثہ میں بھکیانہ کے رہائشی موٹرسائیکل سوار 45 سالہ خاتون انور بی بی اور 18 سالہ نوجوان سلمان موقع پر جاں بحق ہو گئے۔ قائد آباد  کے قریب بس موٹر سائیکل سواروں کو بچاتے ہوئے  درخت سے ٹکرا گئی۔  جس سے  موٹر سائیکل سوار 3 افراد جاں بحق جبکہ 23 مسافر زخمی ہو گئے۔