شہدادپور (نامہ نگار )شہدادپور کے وارڈ نمبر 2 خالد اسٹریٹ، سنہری اسٹریٹ کی گلیاں ٹینڈر جاری ہونے کے باوجود تعمیرات نہ ہوسکی اہل محلہ شدید پریشان۔ تفصیلات کے مطابق شہدادپور کے وارڈ نمبر 2 کی سنہری اسٹریٹ اور خالد اسٹریٹ کو پیور بلاک سے تعمیرات کے ٹینڈر جاری ہونے کے باوجود علاقہ کی گلیاں تعمیر نہ ہوسکی سماجی رہنما سید ارشاد بخاری اور۔علاقہ کے رہائشیوں حاجی نسیم قریشی،دلدار راجپوت،غلام مرتضی،حاجی یامین تنور ودیگر نے میڈیا کو بتایا کہ ہمارے علاقہ کی گلیاں سیاست کی بھینٹ چڑھی ہوئی ہے۔ٹینڈر اور رقم جاری ہونے کے باوجود گلیاں تعمیر نہیں ہورہی ہے۔جس سے گلیوں میں بزرگ خواتین بچوں کو آمدورفت میں دشواری کا سامنا کرنا پڑرہا ہے۔جگہ جگہ گڑھے پڑ جانے سے گلیاں تباہ ہوچکی ہے۔انھوں نے بالا حکام سے مطالبہ کیا ہے کہ گلیاں فوری تعمیر کروائی جائے بصورت دیگر احتجاج  کریں گے۔