روہڑی (نامہ نگار)    روہڑی و گردنواح میں گیس کی بدترین لوڈ شیڈنگ ، گھریلوں و کاروباری  چولہے ٹھنڈے،عوام لکڑیوں پر کھانا پکانے پر مجبور، لکڑیوں کی مانگ میں بھی اضافہ، شہری و سماجی حلقوں کا بالا حکام سے نوٹس لینے کا مطالبہ۔ تفصیلات کے مطابق روہڑی علی وان  اور اسکے گردنواح کے مختلف علاقوں میں سوئی سدرن گیس کمپنی انتظامیہ کی مجرمانہ غفلت اور مسلسل لاپرواہی کے باعث سوئی گیس کی بد بدترین لوڈ شیڈنگ ، بندش کے بعد گیس پریشر کی کمی نے ناصرف گھریلوں بلکہ کاروباری زندگی کو بھی بری طرح مفلوج کر رکھا ہے ،لوگ لکڑیوں اور کوئلوں پر گذرا کرنے پر مجبوردیکھائی دے رے ہیں گیس کی لوڈ شیڈنگ کے باعث لکڑیوں کی مانگ میں بھی اضافہ ہواتو فروخت کرنے والوں کی بھی چاندی ہوگئی ہے اور وہ شہریوں سے من پسند ریٹ وصول کررہے ہیں  سکھر کے شہری و سماجی حلقوں نے گہری تشویش کا اظہار کرتے ہوئے چیف جسٹس آف پاکستان،وزیر اعظم پاکستان ،صوبائی وزیر پیٹرولیم معدنی وسائل سمیت سوئی سدرن گیس کمپنی کے بالا حکام سے روہڑی علی وان میں سوئی گیس پریشر میں کمی، لوڈشیڈنگ اور مصنوعی بندش کا نوٹس لیکر شہریوں کو پریشانیوں سے نجات دلانے کا پرزور مطالبہ کیا ہے۔