لاہور(سپورٹس رپورٹر)قومی سنوکر چیمپئن شپ کی پری کوارٹر فائنل کی لائن اپ مکمل ہوگئی۔ احسن رمضان ناکام رہے۔ ایونٹ میں احسن رمضان کےساتھ سیڈڈ کھلاڑی بابر مسیح اور حارث طاہر بھی پری کوارٹر فائنل میں جگہ بنانے میں ناکام رہے۔ 3 سیڈ بابر مسیح کو نسیم اختر کے ہاتھوں چار صفر سے شکست ہوگئی۔نمبر 4 سیڈ حارث طاہر کو عبدالستار نے چار صفر سے آﺅٹ کلاس کردیا، عدیل اے جبار نے ذوالفقار قادر کو چار ایک کے فریم سکور سے شکست دی۔ عدیل نے 119 اور 139 کے 2 سنچری بریک بھی کھیلے، ایونٹ کے پری کوارٹر فائنلز آج کھیلے جائیں گے۔