ڈاکو بے قابو ، باربر شاپ میںڈکیتی ہیئر ڈاریسر و گاہکوںکی حجامت بنادی 

کراچی(اسٹاف رپورٹر) شہرقائد کے علاقے بلدیہ ٹائون پٹنی محلے میں باربر شاپ میں ڈاکوئوں نے دکاندار اور وہاں موجود دیگر لوگوں سے نقدی اور موبائل فون لوٹ لیا، واقعے کی سی سی فوٹیج منظرعام پر آگئی ہے۔تفصیلات کے مطابق گزشتہ روز مسلح ڈاکوئوں نے بلدیہ ٹائون باربر شاپ میں گھس کر حجام اور وہاں آنے والے گاہکوں کی حجامت بنا دی۔سی سی ٹی وی فوٹیج میں واضح طور پر دیکھا جا سکتا ہے کہ بلدیہ ٹائون پٹنی اسپتال روڈ پر واقع باربر شاپ میں دو مسلح افراد اسلحے کے زور پر دکان پر موجود تمام افراد کو لوٹ رہے ہیں، فوٹیج میں لٹیروں کا اطمینان دیکھ کر لگتا ہے کہ انہیں کسی قسم کا خوف نہیں ہے۔واردات کے بعد ملزمان ایک ایک کر کے دکان سے نکل کر فرار ہوگئے، علاقہ بلدیہ ٹائون پولیس سے رابطہ کرنے پر واقعے سے لاعلمی کا اظہار کیا گیا۔