سعودی عرب نے پاکستان سمیت فضائی مسافروں پر زمزم کے پانی کی بوتلیں لے جانے پر مکمل پابندی عائد کر دی ہے۔ جدہ انٹرنیشنل ایئرپورٹ پر سعودی حکام نے پاکستان کی پی آئی اے سمیت تمام نجی ایئرلائنز کو سرکلر جاری کر دیا ہے۔صرف عمرہ یا حج کے لیے جانے والے مسافروں کو زمزم کے پانی کی صرف ایک پانچ لیٹر کی بوتل لے جانے کی اجازت ہے۔وزٹ یا بزنس ویزا پر سفر کرنے والے دیگر مسافروں، سیاحوں یا دیگر مقاصد کے لیے آب زم زم کو وطن لے جانے کی اجازت نہیں ہے۔سعودی ہدایت کے مطابق عازمین کو شاہ عبداللہ بن عبدالعزیز زمزم واٹر پروجیکٹ کے تحت تیار کردہ زمزم کے پانی کی بوتلیں فراہم کی جائیں گی۔تمام ایئر لائنز کی انتظامیہ کو ہدایت کی گئی ہے کہ وہ مسافروں کے سامان کی چیکنگ کے دوران آرڈر کو یقینی بنائیں۔سرکلر میں مزید کہا گیا کہ پاکستان آنے والے مسافروں کو مکمل اسکریننگ سے گزرنا ہوگا۔