شامی سکیورٹی اداروں نے مختلف کارروائیوں کے دوران 52کے قریب دہشتگردوں کو گرفتار کر لیا
مشرقی شام میں آئل فیلڈ ورکرز کو لے جانے والی بس پر ہونے والے دہشتگردانہ حملے میں 10مزدور ہلاک جبکہ دو زخمی ہو گئے،غیر ملکی میڈیا کے مطابق التیم آئل فیلڈ کے کارکنوں کو لے جانے والی بس کو جمعہ کے روز صوبہ دیر از زور میں حملے کا نشانہ گیا جس میں 10مزدور ہلاک جبکہ 2زخمی ہوگئے،حکام کی جانب سے حملے کی نوعیت یا اس کے پیچھے کون ہو سکتا ہے اس کے بارے میں کوئی معلومات فراہم نہیں کی گئیں تاہم رپورٹس میں دعوی کیا گیا ہے کہ دہشتگردانہ حملہ شامی کرد فورسز کی جانب سے شام میں متحرک دہشتگرد تنظیم کے خلاف کارروائی کے اعلان کے ایک دن بعد کیا گیا،دوسری جانب حملے کے بعد شامی سکیورٹی اداروں نے مختلف کارروائیوں کے دوران 52کے قریب دہشتگردوں کو گرفتار کر لیا ہے۔