لاہور (کلچرل رپورٹر) اداکارہ و ماڈل مائرہ خان نے کہا ہے کہ دکھی انسانیت کی خدمت میں جو سکوں ملتا ہے وہ کہیں اور نہیں مل سکتا‘ میری دلی خواہش ہے کہ غریب اور مریض بچوں کیلئے زیادہ سے زیادہ کوششیں کروں لیکن حکومت کی بھی ذمہ داری ہے کہ وہ معاشرے کے مسائل کے حل کیلئے مزید اقدامات کریں۔ مائرہ خان نے کہا کہ شوبز کے اداکاروں کی ذاتی زندگی انتہائی مصروف ہوتی ہے لیکن اس کے باوجود بھی سب کو چاہئے کہ وہ کچھ وقت معاشرے کی بہتری کیلئے اپنے کردار کیلئے بھی نکالیں اور مجھے جو سکوں دکھی انسانیت کی خدمت کر کے ملتا ہے وہ کہیں اور سے نہیں ملتا۔