لاہور(سپورٹس رپورٹر) ڈی ایس لاہور چیلنج کپ فٹبال ٹورنامنٹ کے چوتھے میچ میں ناصر شہید فٹبال کلب نے جبار فرینڈز فٹبال کلب کو شکست سے دو چار کر دیا۔ برٹ فٹبال کلب اور اکیڈمی کے زیراہتمام جاری ٹورنامنٹ میں گذشتہ روز چوتھا میچ ناصر شہید فٹبال کلب اور جبار فرینڈز فٹبال کلب کی ٹیموں کے درمیان کھیلا گیا جس میں ناصر شہید کلب نے ایک صفر سے کامیابی اپنے نام کی۔ مہمان خصوصی برٹ فٹبال کلب کے صدر نثار احمد خان تھے۔ ٹورنامنٹ میں پانچواں میچ جمعہ کو مراد فٹبال کلب اور شاہین فٹبال کلب کے درمیان ساڑھے تین بجے کھیلا جائیگا۔