لاہور(سپورٹس رپورٹر+نمائندہ سپورٹس) اولمپیئن منیر ڈار کی یاد میں گولڈ کپ کراٹے ٹورنامنٹ قدیر ہاوس نے جیت لیا۔ ایجوکیٹر سکول شادباغ کے انٹر ہاوسز کراٹے ٹورنامنٹ کا انعقاد گذشتہ روز ہوا جس میں قدیر ہاوس نے شاندار کارکردگی پیش کرتے ہوئے ٹائٹل اپنے نام کیا۔ ایونٹ کے مہمان خصوصی مرحوم اولمپیئن منیر ڈار کے بیٹے تاثیر ڈار اور صدر لاہور ڈسٹرکٹ کراٹے ایسوسی ایشن محمد الیاس خان تھے جنہوں نے کامیاب کھلاڑیوں میں انعامات تقسیم کیے۔