لاہور( این این آئی)سینئر اداکارہ ثمینہ پیرزادہ نے کہا ہے کہ ادبی لٹریچر پڑھنے کا بیحد شوق ہے اور بالخصوص انگریزی لٹریچر پڑھنے میں زیادہ دلچسپی ہے ۔ ایک انٹر ویو میں ثمینہ پیرزادہ نے کہا کہ گھر میں فارغ اوقات اور سفر کے دوران کتاب میرے ہاتھ میں ہوتی ہے،کتاب انسان کی بہترین دوست ہے اور اس کی دوستی کے فائدے ہی فائدے ہیں ۔ انہوں نے کہا کہ کسی بھی فنکار کی زندگی مشکلات سے خالی نہیں ہوتی بلکہ اس میں توازن رکھنا پڑتا ہے ۔ کمٹمنٹ کو پورا کرنے کے لئے اپنی صحت اورگھریلو مصروفیات کو بھی نظر انداز کرنا پڑتا ہے ۔ انہوں نے کہا کہ شوبز ستاروںکے پرستار انہیں ہر وقت ہنستا اور مسکراہتا ہوا دیکھنا چاہتے ہیں ۔