اسلام آباد(خصوصی نمائندہ) آئل اینڈ گیس ڈویلپمنٹ کمپنی کے پانچ ہزار ملازمین کیلئے حج وعمرہ قرعہ اندازی کی گئی ایم ڈی شاہد سلیم خان نے کمپیوٹربٹن دباکر افتتاح کیااس قرعہ اندازی کے تحت 50ملازمین رواں سال حج جبکہ9عمرہ کی سعادت حاصل کریں گے،اس موقع پرایگزیکٹو ڈائریکٹرز،جنرل منیجرز،یونین نمائندگان،افسران اور سٹاف کی بڑی تعداد موجود تھی شاہد سلیم خان نے قرعہ اندازی میں کامیاب ہونے والے ملازمین کو مبارکباد پیش کی اورکہا کہ زائرین حج و عمر ہ ملک کے سفیر ہوتے ہیں وہ وہاں پربہترین نظم وضبط کا مظاہرہ کریں اورمقدس زمین پرملکی سلامتی و ترقی اور اوجی ڈی سی ایل کے جاری منصوبوں کی کامیابی کیلئے دعا کریں،اس موقع پریونین کے جنرل سیکرٹری ملک اخلاق اور صدرراجہ سلیم نے کامیاب ملازمین کو مبارکباد دی۔