اسلام آباد(نوائے وقت نیوز) آئندہ چوبیس گھنٹوں کے دوران ملک کے بیشتر علاقوں میں موسم سرد اور خشک جبکہ بالائی خیبر پختونخوا، کشمیر ،گلگت بلتستان اور بلوچستان میں شدید سرد رہے گا۔  تاہم رات کے اوقات میں بالائی خیبر پختونخوا، گلگت بلتستان اور کشمیر میں ہلکی بارش اور پہاڑوں پر ہلکی برفباری کا امکان ہے۔  محکمہ موسمیات کے مطابق گذشتہ 24 گھنٹوں کے دوران بھی  ملک کے بیشتر علاقوں میں موسم سرد اور خشک جبکہ بالائی علاقوں اور شمالی بلوچستان میں شدید سردرہا ہے۔ ہفتہ کوریکارڈ کیے گئے کم سیکم درجہ حرارت  کی رپورٹ کے مطابق  استورمنفی12، اسکردو،گوپس ،اننت ناگ منفی 10،کالام منفی 9،پلوامہ ، بارہ مولہ منفی 8، سری نگر، گلگت منفی 7،شوپیاں، زیارت منفی 6، کوئٹہ، بگروٹ اورقلات میں منفی 5 ڈگری سینٹی گریڈریکارڈ کیا گیا ہے۔