چینی طبی عملے کی مدد سے پاکستانی  شہری کو ایک نئی زندگی مل گئی

اسلام آباد (نوائے وقت رپورٹ) شوزو میڈیکل یونیورسٹی (ایکس ایم یو) سے منسلک ہسپتال کے چینی طبی عملے کے علاج سے ایک پاکستانی شہری کو نئی زندگی مل گئی۔ چائنا اکنامک نیٹ کے مطابق ہسپتال سے صحت یاب ہو نے والے پاکستانی انجم اقبال نے کہا کہ چینی ڈاکٹر بہت اچھے ہیں۔ یہ عمدہ طبی مہارت  رکھتے ہیں جن کے علاج سے مجھے ایک نئی زندگی  ملی۔  48 سالہ اقبال کو اگست 2017 میں ملٹی مییلوما کی تشخیص ہوئی تھی، ان کی بیماری قابو میںتھی۔ تاہم اگست 2019 میں اس پر اس بیماری کا دوبارہ حملہ ہوا۔ رپورٹ میں کہا گیا ہے کہ مارچ 2020 میں ، ان کی اہلیہ نے ایک اعلی بین الاقوامی میڈیکل جریدے میں ایک مضمون پڑھا ، جس میں اس بیماری کے علاج کے لئے ایکس ایم یو سے منسلک ہسپتال کی چیمریک اینٹیجن ریسیپٹر ٹی سیل امیونو تھراپی کی تازہ ترین کامیابی کے بارے میں بتایاگیا تھا۔ انہوں نے اس ہسپتال میں آنے اور ٹیکارکا علاج کرانے کا فیصلہ کیا۔کوویڈ 19 وبائی بیماری کے اثرات کی وجہ سے ، آخر کار اقبال اور ان کی اہلیہ نومبر 2020 کے آغاز میں چین آئے۔ دو ہفتوں کے قرطینہ کے بعد اقبال کو 16 نومبر کو ایکس ایم یو کے منسلک ہسپتال میں داخل کرایا گیا۔یکم دسمبر کو ہسپتال میں محکمہ ہیماتولوجی کے آوٹ پیشنٹ کلینک میں افیئرسس کی گئی تھی۔ٹیومر بائیو تھراپی سنٹر میں اینٹی سی ڈی 19 اور اینٹی بی سی ایم اے سی آر ٹی سیل تیار کیے گئے تھے اور 16 دسمبر کو ٹرانسفر ہو گئے تھے۔تاہم نرسنگ سپروائزر ہو ٹنگ یو نے مشاہدہ کیا کہ اقبال کی حالت غیر تسلی بخش ہے ،اس سے نمٹنے کے لئے ، ہو اور نرسنگ ساتھیوں نے اقبال کو بروقت نفسیاتی مشورے اور نگہداشت  فراہم کی۔یہاں تک کہ انھوں نے انکی شادی کی سالگرہ منانے میں بھی مدد کی ، جو ان کے لئے حیرت کا باعث تھا۔ان ساری کوششوں سے دونوں کے ذہنی تنا ومیں کمی آ ئی۔ جلد ہی ، اقبال کے علاج کے مثبت اثرات  نظر آ نا شروع ہو گئے۔8 جنوری کی جانچ پڑتال سے پتہ چلتا ہے کہ اس کی بیماری پر قابو پایا گیا ہے۔ اقبال پر جوش لہجے میں کہا کہ میں نے محسوس کیا کہ میرا جسم بہت بہتر ہے ، اور مجھے زیادہ پر اعتماد  ہوں ۔علاج کے بارے میں بات کرتے ہوئے  ان کی اہلیہ متعدد بار آبدیدہ  ہو گئیں۔ ابتدا میں اس نے کہا کہ  ابتدائی دنوں میں مجھے لگا کہ اپنے شوہر کی دیکھ بھال کرنا سخت محنت کا باعث ہے کیونکہ وہ شدید بیمار تھے۔ یہ سب ڈاکٹروں اور نرسوں کی مدد سے ممکن ہو سکا  ہے۔انہوں نے ہسپتال کا شکریہ ادا کرتے ہوئے کہا کہ آپ سب کا شکریہ. یہ صرف آپ سب کی وجہ سے ہے جس نے ہمارے کنبے کو نئی امید دی۔